Llingua Y Cultura Lliteraria

En 1998 poníase en marcha, desarrolláu pola Universidá d Uviéu, el proyectu Historia de la Lliteratura Asturiana, una iniciativa académica que quería ufiertar una visión globalizadora de la lliteratura asturiana dende los anicios medievales hasta l actualidá. Esti tomu, centráu na dómina medieval, ye la primer entrega d esi ambiciosu y necesariu proyectu que pretende apurrir al llector, a través d una completa documentación, un xuiciu maduru y actual sobre l nuesu padrimoniu cultural escritu. Llingua y cultura lliteraria na Edá Media asturiano-lleonesa dedícase a dar, col rigor y la erudición qu aveza Xulio Viejo, un panorama xeneral del ambiente lliterariu medieval del nuesu ámbitu llingüísticu y de cómo foi evolucionando al empar que la propia llingua asturiana. El primer capítulu, entós, fai un análisis d esa evolución de la llingua y de cómo se va conformando, dende l puntu de vista del autor, l autoconcencia llingüística dende finales del Medievu. _x000D_ Nos siguientes capítulos, partiendo de la idea de que «malamente puede entamase la busca ideal d una lliteratura medieval en llingua asturiana si ésta daquella nun tien identidá definida ente los sos propios falantes naturales», nun pretende ofrecer un rexistru d indicios d una posible producción propia en romance autóctonu, nin dar un panorama completu de la lliteratura llatina asturiano-lleonesa, sinón afondar, en clave asturianista, na idea de que la cultura llatina na Edá Media nun ye daqué estremao dafechu de la cultura popular románica. Esti averamientu faise buscando nesi espaciu difusu nel que lo románico empieza a dexar de ser llatino pa dir conformando, llingüística y culturalmente, lo asturiano, intentando definir les coordenaes básiques del espaciu lliterariu asturianu medieval que, según l autor, anticipa les claves d esa lliteratura n asturianu qu apruz nel sieglu XVII.